A agrupación músico-vogal actuará mañá 12 de abril en Sobradelo
En pleno proceso de preparación do que será o seu segundo traballo de estudo, Son do Sil comeza unha nova etapa con novas incorporacións e a estrea da actual indumentaria, na que cambian o pantalón negro e a faixa azul por outros de cor azul e ocre respectivamente. O novo traxe inclúe ademais chaqueta de corte americana.
Unha das primeiras actuacións nas que poderemos ver esa nova imaxe, será nas festas da Encarnación en Sobradelo, mañá domingo 12 de abril pola noite.