Música tradicional de bar en bar e dende as seis da tarde ata a medianoite. A segunda edición dos Cantos de Taberna de Quiroga enchía de melodías e de público os bares desta localidade lucense na tarde e noite do 7 de xaneiro.
Malia ao frío, eran moitas as persoas que desfrutaban en cada un dos locais de hostalaría das actuacións de ata sete grupos diferentes, que cantaban e tocaban gaitas, pandeiretas e outros instrumentos de percusion como bombos. Entre as eles estaban As Macizas Centrais de Trives, pero tamén formacións locais como “Os do Recanto” e “Os Palletas”, xunto con “Corentechinco Boys”, “Os Estoupa Foles” e “Os Somontanos” da Pobra do Brollón e “As Cantareiras da Unión” de Sarria.
En definitiva, moita música, cantos, bailes e festa compartida ao longo de seis horas nos establecementos de hostalaría quirogueses. Esta actividade ten sido organizada polo Concello de Quiroga, a través da Área de Xuventude e estaba incluída no programa de Nadal deste municipio.
Fotos: Carlos G. Hervella.
