CulturaMúsicaÚltima hora

“Sonamos Galicia” en Ourense, Celanova e O Carballiño

O festival, que se celebra do 4 ao 7 de setembro, funde as raíces musicais galegas e latinoamericanas
Presentación do festival na Deputación de Ourense.
Presentación do festival na Deputación de Ourense.

Fundir a música de raíz galega e latinoamericana, promover o intercambio de artistas e fomentar a cultura e o turismo termal da provincia de Ourense en Latinoamérica. Eses é o obxectivo do Festival “Sonamos Galicia”, un evento musical organizado por Queixumes dos Pinos que terá lugar os días 4, 5 e 7 de setembro en Ourense, Celanova e O Carballiño.

“Sonamos Galicia” é un proxecto integrado no Festival Internacional “Sonamos Latinoamérica”, e nesta edición –a primeira que se realiza en Europa e que terá como escenario a provincia de Ourense- participarán os grupos e solistas Ensamble Canobo (Colombia), Gadaffi & Anna (Perú), El fuego de la semilla (Arxentina), El Saman ensamble (Venezuela), Emilio Rúa (Ourense), e Martín Blanes & Pablo (Galicia).

O certame desenvolverase no Parque Angelita Paradela de Ourense (día 4 de setembro), no Auditorio de Celanova (día 5), e clausurarase no Auditorio do Carballiño (día 7). Tódalas actuacións comezarán ás 20h.

A finalidade do festival “é achegarnos ás raíces da nosa cultura, que, da man da emigración galega a Latinoamérica, foi tamén unha cultura de ida e volta, a cal agora se enriquece tamén coa presenza de colectivos latinoamericanos en Galicia”, explicou José Antonio Viñas, director do festival e do grupo folclórico Queixumes dos Pinos, na presentación do evento que tiña lugar na mañá do 3 de setembro na Deputación de Ourense.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close