OurenseÚltima hora

Sportur Galicia recibiu en Expourense máis de 10.000 visitas en dous días

Foi o escenario elixido por 36 federacións e clubs para celebrar campionatos e torneos de carácter provincial e autonómico

 

A terceira edición e Sportur Galicia pechaba as súas portas en Expourense logo de visibilizar durante dous días o “bo momento que viven o deporte e o turismo activo en Galicia e tamén no norte de Portugal”, aseguran dende a organización. Unha afirmación que quedou patente sobre todo na xornada do sábado na que se celebraron multitude de campionatos e torneos de carácter autonómico sobre todo e nos que participaron milleiros de deportistas chegados de toda Galicia. O II Torneo Sportur de Kickboxing, o Torneo de Esgrima Antiga Cidade das Burgas, os trofeos absolutos de halterofilia de Galicia, os torneos de kung-fu e taekwondo, o campionato galego de escalada en bloque ou o Torneo de Xadrez Cidade de Ourense foron as probas que maior número de deportistas movilizaron, superando nalgúns casos os 200 participantes que ademáis chegaron acompañados polas súas familias. En total, e a falta de contabilizar as visitas de última hora esta tarde, calcúlase que Sportur Galicia “superou as 10.000 visitas destacando a ademais que a inmensa maioría delas participou activamente nas 60 actividades dispoñibles”, din dende Expourense.

O atletismo voltou ser un dos protagonistas durante a segunda xornada de Sportur Galicia xa que,a demais de ser punto de entrega dos dorsais da XLII Carreira Pedestre Popular do San Martiño, o Clube Atletismo Ourense convocou no recinto aos seus socios e tamén foron entregadas as medallas do circuíto “Correndo por Ourense” que organiza o Consello Municipal de Deportes de Ourense. O outro gran protagonista da xornada foi a ximkana hinchable “Iron Children” achegada pola Concellería de Xuventude de Ourense e que chamou a atención de centos de visitantes e tamén dos participantes noutras actividades.

Este salón tamén foi o punto de encontro dos equipos cos seus siareiros como foi o caso do COB ou dos xogadores do Ourense C.F. ou da U.D. Ourense. Destacou tamán a presenza da montañista navarra Susana Ruiz Mostazo, quen impariu unha conferencia sobre “os somos non teñen cima” na que contou a súa experiencia na escalada de cumios como o Everest a pesar da súa diabetes. Otras das actividades máis concorridas foron as clases de tecnificación de ximnasia rítmica que convocaron a ximnasta de toda Galicia para recibir dúas xornadas de clase coa olímpica e seleccionadora bielorrusa de ximnasia rítmica junior, Nelly Pischelina.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close