CulturaCulturaMúsicaÚltima hora

Suso Lorenzo e Sr. Jingles, dous “artistas da casa” que comparten nas redes a súa versión dun tema de U2

Os músicos valdeorreses interpretan, xuntos pero cada un na súa casa, o tema "Every Breaking Wave"

Suso Lorenzo (esquerda) ao piano e Sr. Jingles (dereita) á voz.

 

Cada un ten as seus propios proxectos musicais, aínda que dende hai uns anos tamén tocan xuntos na banda de versións Clon Bois, e hoxe, dende a casa volveron xuntar os seus talentos a través das redes sociais.

Suso Lorenzo ao piano dende A Rúa e Sr. Jingles, o álter ego de Ramiro Núñez cantando dende O Barco, veñen de compartir na comunidade de #ARTISTASDACASA creada polo Concello da Rúa a súa particular versión do tema de U2 Every Breaking Wave.

Suso toca a gaita, a batería e o acordeón, aínda que tampouco dubida en botarlle a man a outros instrumentos, neste caso o piano. E con respecto aos proxectos musicais nos que se ten embarcado ao longo da súa vida, son case innumerables. Grupos como Trenla, Tornaxeira, Black Label ou Placeres Solitarios, que deron paso a outros de estilo moi variado como Navegando a Barlovento, Pándega, Clon Bois ou a Banda das Apertas.

Sr. Jingles pola súa banda é o proxecto musical máis potente ata o momento do músico barquense Ramiro Núñez, cun disco editado no ano 2018 El grito wilhelm, que contén doce temas propios cargados de mensaxes entre os que destacan títulos como CocaínaQuemen a la brujaMaten al león, Náufrago ou Niebla. Cancións que nestes dous anos o levaron por numerosos escenarios dentro e fóra da comarca de Valdeorras.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close