Suspéndese a 5ª Marcha Nocturna por Trevinca “Entre Lobos e Estrelas”

O motivo: a falta de entendemento entre a dirección técnica e o Concello da Veiga
Foto: Carlos G. Hervella

Foto: Carlos G. Hervella

Estaba prevista para a noite do 21 ao 22 de setembro, pero, finalmente, non se levará a cabo. A organización e dirección técnica da 5ª Marcha Nocturna “Entre Lobos e Estrelas”, que discurre por Trevinca, vén de anunciar a suspensión desta proba deportiva por falta de entendemento co Concello da Veiga.

Os seus promotores explican que o proxecto desta proba deportiva de alta montaña entregabáselle ao Concello o pasado 14 de agosto, “con suficente antelación para solicitar os permisos correspondentes a Medio Ambiente, Medio Rural e Parque Natural do Lago de Sanabria, incluíndo ademais a imprescindible colaboración dos diferentes corpos da Garda Civil”.

O control de chegada estaba situado nesta ocasión no pobo de Porto (Zamora) por motivos técnicos, algo que o Concello da Veiga pediu que se cambiase, e co que a organización non estaba dacordo.

Tendo en conta que a última hora da mañá do pasado 26 de agosto “a resposta de aceptación non a esperada, nin tampouco nada nos induciu a pensar que nos próximos días podería selo”, a organización acordou a suspensión da cita deportiva. “Lamentamos ter que suspender durante este ano 2013 esta actividade montañeira de gran interese en Galicia, actividade de recoñecida importancia e xa posicionada como a Marcha Nocturna por montaña máis dura, con longos percorrido por riba dos 2.000 metros, con ascensión a Pena Trevinca-Cume de Galicia”, sinalaba Cholo Fernández, dende a dirección técnica desta ruta.

A intención é tentar retomala en xullo do vindeiro ano baixo a organización e dirección da Asociación de Turismo de A Veiga (Trevihost).

Texto: O Sil/Redacción Foto: Carlos G. Hervella

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies