DeportesÚltima hora

Suspendida toda a competición de fútbol, sala e gaélico en Galicia

A RFGF decreta a suspensión polo coronavirus de toda a competición en Galicia de fútbol, fútbol sala e fútbol gaélico dende mañá e durante as vindeiras dúas semanas

 

Apenas unhas horas despois de emitir un comunicado polo que “todas as competicións e eventos deportivos, de ámbito estatal disputaranse tamén en Galicia a porta pechada”, a Real Federación Galega de Fútbol anunciaba que “TODA a competición en Galicia de fútbol, fútbol sala e fútbol gaélico tamén queda SUSPENDIDA durante ese mesmo prazo de dúas semanas. Medida de urxencia que comeza a ser efectiva desde mañá xoves”.

O comunicado emitíano na mañá deste mércores 11 de marzo “ante a situación de urxencia que está xerando a expansión do Coronavirus COVID-19 e logo dos comunicados do Consello Superior de Deporte e o emitido esta mañá pola Real Federación Española de Fútbol no que decreta a suspensión da competición de fútbol e fútbol sala de ámbito estatal durante as dúas próximas semanas, recomendando ademáis a mesma medida a todas as federacións territoriais”.

Dende a Federación aseguran que “esta decisión extraordinaria enténdese necesaria para unha situación que é claramente extraordinaria” co obxectivo de “garantir a saúde e seguridade dos nosos deportistas e de todas as persoas que dun ou doutro xeito move cada partido de fútbol, fútbol sala e gaélico que se disputa en Galicia”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close