En torno ás tres menos cuarto deste venres 25 de decembro, día de Nadal, saltaba no Axega 112 un aviso de incendio urbano na Rúa. Ata o lugar, unha vivenda unifamiliar nunha das saídas da localidade á N-120 dirección O Barco (na Rúa Vella), desprazábanse o GES Valdeorras, a Garda Civil e dúas unidades (unha con escaleira) do Parque de Bombeiros de Valdeorras.
O incidente tiña lugar na cheminea, a única parte afectada da vivenda que nese momento se atopaba sen xente.
Fotos: Mónica G. Bellver
