ConcellosÚltima hora

Taller infantil para aprender a montar e pilotar un dron, no Barco

Está dirixido a nenos/as de entre os 8 e 12 anos e impartirase o xoves 6 de setembro en horario de 9h a 14h.
sdr

Os máis pequenos da casa poderán aprender a construír e pilotar o seu propio dron nun taller que se impartirá o vindeiro 6 de setembro no Barco. “Iniciaremos aos rapaces no mundo dos drons creando un circuíto de habilidade onde os nenos e nenas se podan adestrar na pilotaxe destas aeronaves”, explican dende a organización.

Ademais os nenos poderán coñecer “as partes dos drons, cómo se montan, e cómo son capaces de voar mediante unha sesión práctica empregando dous tipos de aeronaves: un overcraft para comezar a entender os controis e movementos que ten un dron e, unha vez iniciados, daremos o salto a un dron co cal percorreremos o circuíto dando paso unha competeción entre os participantes”, segundo os promotores da iniciativa.

A actividade ten un finalidade lúdica e busca sementar nos alumnos/as a curiosidade por este mundo por medio da superación. Vai dirixida a nenos e nenas de entre os 8 e 12 anos. A realización da actividade o xoves 6 de setembro en horario de 9h. a 14h. e contará cun descanso que inclúe unha “merenda/refrixerio” para os rapaces.

Conta cun aforo máximo de 12 prazas e a cobertura das mesmas realizárase por rigorosa orde de inscrición por parte do/a nai/pai/titor legal do/a menor na Aula CeMIT ou a través de internet, sendo o único requisito o de ser usuario/a da rede CeMIT, trámite que tamén pode realizarse a través da rede (https://cemit.xunta.gal).

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close