SanidadeÚltima hora

Taller vivencial sobre linguaxe Montessori, no Barco

Está previsto para o 26 de xaneiro e será organizado novamente polo grupo de apoio á lactancia e crianza con apego “De Nai a Nai”
Un dos talleres formativos de educación Montessori impartidos anterioremente a través de De Nai a Nai./ Foto: A.R.

Novo achegamento ao mundo da educación Montessori. Tras a excelente acollida e bos resultados dos tres talleres impartidos sobre este tema no 2018, o grupo de apoio á lactancia e crianza con apego “De Nai a Nai” porpón agora outros dous talleres deste tipo, pero centrados desta vez na linguaxe Montessori e dirixido a pais e profesores.

Impartiranse o sábado 26 de xaneiro ( de 10 a 14h e de 15 a 19 h) no local da asociación e da man de Mercedes Urbiola. “Será un taller vivencial para introducirnos no proceso de adquisición da linguaxe do neno, dende o nacemento ata o desenvolvemento da lecto-escritura e o coñecemento da nosa propia lingua, descubrindo como a través dos materiais, un ambiente preparado e un adulto respectuoso os nenos vano adquirindo de forma natural, felices e sendo eles mesmos creadores das súas propias aprendizaxes”, tal e como adianta a docente.

Durante o taller da mañá traballarase co desenvolvemento da linguaxe dos nenos de 0 a 6 anos e pola tarde, de 6 a 12 anos. “De forma natural o neno está interesado na palabra e en todo o que teña relación con ela, Montessori axuda a recuperar este proceso coa visión dun novo achegamento, dunha metodoloxía diferente que respecta o ritmo da aprendizaxe de cada neno, a súa individualidade e fai aflorar a súa creatividade e o amor pola súa cultura e a humanidade”, explican dende a organización desta acción formativa.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close