CulturaCulturaGalerías de fotosÚltima hora

Tarde de relatos e teatro para celebrar as Letras Galegas en Viana

O programa continúa o 18 de maio coa actuación de Mercedes Peón na Casa da Cultura

Cun completo programa de actividades están a celebrar en Viana do Bolo as Letras Galegas neste mes de maio. Comezaban o día 4 cunha conferencia a cargo do investigador vianés Carlos X. Ares e continuaban o día 10 coa actuación da Asociación Cultural Candea e o 12 cunha homenaxe a Antonio Fragua.

O 17 de de maio, Día das Letras Galegas, tocáballe o turno ao teatro con monicreques e malabares da man do grupo Chop! así como á entrega de premios do concurso de relatos breves convocado polo Concello para os escolares vianeses. O acto tiña lugar no pavillón municipal de deportes e contou coa presenza do alcalde Secundino Fernández e da concelleira de Cultura Graciela Diéguez.

O programa continuará con música. Hoxe, 18 de maio, Mercedes Peón presentará ás 20:30h. na Casa da Cultura o seu novo disco Déixaas e o día 25 o Orfeón Vianés dará un concerto nese mesmo escenario acompañado polo Orfeón Caldelas.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close