PolíticaÚltima hora

Tareixa Paz, nos mitins do BNG na Rúa e no Barco

A deputada nacionalista no Parlamento Galego estivo acompañada pola valdeorresa Noa Fernández, que forma parte da lista do BNG ás europeas
Mitin do BNG na Rúa./ Foto: cedida por Manuel Agra.
Mitin do BNG na Rúa./ Foto: cedida por Manuel Agra.
Tareixa Paz, intervindo no Barco.
Tareixa Paz, intervindo no Barco.

“A única forma de que Galiza exista en Europa é estando alí e a única forma para logralo é que o BNG e Ana Miranda estean alí”. Tareixa Paz, deputada ourensá do BNG, concluía con estas palabras o mitin celebrado na noite do 20 de maio no Barco. Ao longo do seu discurso subliñou o que Galicia se xoga nestes comicios europeos. “O día 25 de maio temos que ir a votar polo futuro do noso país”, aseguraba, “porque a parte das decisións vinculadas coa macroeconomía, en Europa tamén se toman moitas decisións que teñen que ver co noso futuro. É un voto para traballar e loitar por unha Europa que nos permita estar alí como pobo e defender os nosos intereses, para loitar por unha Europa que se constrúa de novo e onde o poder estea no pobo, nos cidadáns europeos e nas nacións que configuran esa Europa”.

Nese senso, Paz fixo balance das decisións tomadas no marco da UE que tiveron consecuencias negativas para Galicia en sectores como o do leite ou o da pesca. E tamén se referíu á proposta comunitaria de eliminar os dereitos de plantación do viñedo, “unha decisión que tería consecuencias nefastas para a viticultura galega e que se conseguíu frear porque Ana Miranda levou unha delegación do sector agrario galego que explicou en Bruxelas o que podería supoñer iso. E conseguiuse aprazar esa decisión ata o ano 2030”.

Tamén insistiu en que o BNG quere unha Europa diferente, que estea “gobernada polos cidadáns a través dos seus representantes elixidos libremente e que poña en primeiro termo os servizos e a garantía deses servizos públicos” e na que os cartos “volvan a estar ao servizo da cidadanía”.

Para a deputada nacionalista os grandes partidos “queren unha campaña electoral plana e na que non se fale de como as políticas que de definen a Europa inflúen en cada un dos aspectos da nosa vida”.

Tareixa Paz pechaba un mitin no que antes interviñan o concelleiro do BNG no Barco Vítor Sierra e Noa Fernández, valdeorresa que forma parte da lista desta formación política nas europeas.

Sierra destacaba que o BNG “somos a cara humana da política e os defensores das clases populares” e citaba o apoio aos emigrantes retornados, aos estafados pola banca ou aos preferentistas, “sempre estivemos ao seu carón”. Pola súa banda, Noa Fernández dicía que “temos os pés na terra e o corazón na Galiza e en Valdeorras” e lembraba que “a única cabeza de lista que se achegou a Valdeorras para falar dos seus problemas e reunirse cos sectores da lousa ou do viño foi Ana Miranda, ningún outro cabeza de lista do resto das forzas políticas veu aquí”.

O mesmo día 20 de maio, pero antes que no Barco, tiña lugar un mitin do BNG na Rúa no que ademais de Tareixa Paz e Noa Fernández, falou a concelleira do BNG na Rúa María Albert.

Fotos: Carlos G. Hervella

O concelleiro do BNG no Barco, Vítor Sierra, abriu o mitin.
O concelleiro do BNG no Barco, Vítor Sierra, abriu o mitin.
A valdeorresa Noa Fernández forma parte do lista do BNG ás europeas.
A valdeorresa Noa Fernández forma parte do lista do BNG ás europeas.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close