O salón de actos da Casa da Cultura de Verín acollía na tarde do 21 de setembro a representación da obra teatral “Perseguindo un soño”, que narra a historia dun grupo de anciáns abandonados nunha residencia clandestina. Este era un dos actos promovidos polo Concello de Verín para conmemorar a data do Día mundial do alzhéimer. Tamén pola tarde desenvolvíase un obradoiro de Arte-terapia con maiores do Centro Sociocomunitario de Verín e do asilo, na aula de audiovisuais da sala de exposicións da Casa da Cultura.
