CulturaCulturaÚltima hora

O teatro de reflexión e indagación de “Nacidas Libres” chega ao Barco

Este espectáculo de Contraproducións poderá verse o 9 de marzo ás 21h. no Teatro Lauro Olmo

Unha noticia aparecida na prensa sobre o rescate de tres monxas indias retidas contra a súa vontade nun convento de clausura en Santiago inspira a catro actrices que, fartas de non recibir ofertas de traballo, deciden montar a súa propia peza. Encárganlle escribir a obra a unha xove escritora que vive emigrada.

Así arranca a trama de “Nacidas Libres”, un espectáculo de Contraproducións, escrito por Cándido Pazó e dirixido por Cristina Domínguez que poderá verse o vindeiro venres 9 de marzo ás 21h. no Teatro Lauro Olmo do Barco. Estará interpretada por catro actrices: Rocío González, Casilda Alfaro, Mónica Camaño e Susana Dans.

 

A través desa idea inicial rescatada dun xornal, irase argallando “un espectáculo en múltiples planos no que, con rigor e obxectividade, pero con frescura, dinamismo, emoción e pinceladas de humor, entran no entramado argumental do caso, pero tamén en múltiples reflexións e referencias a diversos temas vistos desde a perspectiva de xénero: a desigualdade, a ilusión da liberdade, os condicionantes da muller nas distintas culturas, a emigración…”, tal e como sinala a propia compañía.

As catro actrices darán vida a unha ducia de personaxes sobre o escenario, recreando os máis variados espazos e situacións. Esta obra forma parte do conxunto de actos programados no Barco con motivo da conmemoración do Día Internacional da Muller.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close