CulturaCulturaÚltima hora

O teatro de rúa inaugurará a MOTI o 23 de decembro

Trécola Teatro presenta “eMOTIonario” que sairá ás 18:00 dende a Sala Valente e rematará na praza de San Martiño

O sábado 23 de decembro, ás 18:00 horas, Trécola Teatro presenta “eMOTIonario”, un espectáculo de rúa que servirá como inauguración da Mostra Internacional de Teatro de Ourense.

A saída será na rúa do Paseo, fronte a Sala Valente (Antigo Banco de España), e farán un percorrido até a praza de San Martiño onde se desenvolverá a acción teatral.

A MOTI arranca, así, a súa décimo cuarta edición que levará aos espectadores, entre os días 26 e 30 de decembro, ao Auditorio Municipal de Ourense, Teatro Principal, Campus e ás rúas da cidade.

Concretamente serán catorce espectáculos de compañías galegas, Castela e León, Castela-A Mancha, Cataluña, Andalucía e Arxentina, ademais de promocións e accións teatrais. Estes espectáculos representan diferentes xéneros como a danza, os monicreques, teatro de sombras, teatro de actor, teatro de rúa e a música, todos eles dirixidos aos máis pequenos da casa dende un ano até os oito anos.

Aviso 

Debido a que a previsión meteorolóxica para o martes día 26 anuncia choivas, o espectáculo “A-TA-KA!” de Cal y canto Teatro podería trasladarse ao Pavillón do Colexio Mestre Vide (Rúa Mestre Vide), con entrada libre.

No caso de que non chova manteríase entre os Xardíns de Padre Feijóo e a Praza de San Martiño. Irán informando puntualmente dos cambios dende a organización.

Cartel da moti.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close