CulturaCulturaÚltima hora

Teatro e música en Allariz

Homenaxe a Marcial Suárez o 22 de agosto e actuación de Canta Compaña o 25

OLYMPUS DIGITAL CAMERA

Da man da Fundación Vicente Risco, a localidade ourensá de Allariz acollerá nos vindeiros días dous actos culturais. O primeiro, previsto para o venres 22 de agosto e promovido polo Concello, será en homenaxe ao novelista e dramaturgo alaricano Marcial Suárez, coa proxección da representación teatral de “Cinco contos do acomodador” realizada en 1997 (coordinación e adaptación dos textos, Antonio Blanco;e dirección artística, Xian Bobillo). A cita será na Casa da Cultura a partires das 22h.

O segundo acto, será musical e terá lugar o luns 25 de agosto na igrexa de Santiago a partires das 21h. Alí, o grupo Canta Compaña dirixido por Julia Cea, dará un concerto coral dividido en tres partes: a primeira “Canta Compaña” incluirá os temas
“Muito debemos, varoes”, Cantiga de Santa María nº 2 de Afonso X O Sabio (arranxos de Benito G. de la Parra); “Rosa das rosas”, Cantiga de Santa María nº 10 de Afonso X O Sabio; e “Stela splendens in monte, Llibre Vermell” de Montserrat.

A segunda parte “Curros e a poesía galega” incluirá outros cinco temas: “Do mar pola orela”, letra de M. Curros Enríquez e música de L. Emilio Batallán (harmonizada por J. Domínguez); “O maio”, letra de M. Curros Enríquez e música de L. E. Batallán (arranxos de Plácido Travieso); “Os teus ollos”, letra de M. Curros Enríquez e música de José Castro “Chané”; “Compañeira”, trad. Galicia e harmonizada por Julio Domínguez; e “María si vas”, de 3 Cantos Ponteareáns, harmonizada por M. Ángel Viro e Julio Domínguez.

Para rematar, a terceira parte “Poesía noutras linguas”, incluirá sete temas: “Si te quiero…”, letra de M. Benedetti e música de A. Favero (arranxos de P. Travieso; “Nerea izango zen”, Mikel Laboa (harmonizada por Javier Busto); “Pokarekare ana”, canción maorí con arranxos de Mike Brewer; “Shto mi e milo”, trad. Macedonia; “Akanamanla”, trad. Sudáfrica; e “Muma warunó”, trad. aboríxen Australia.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close