Teatro, música e exposición de clásicos nas festas de Vilamartín

A Ruada puxo o toque de humor coa representación da obra A voda do esganarello no Centro Cultural Santa Lucía

Vilamartín de Valdeorras está en festas e malia que o día grande é mañá (festividade de San Jorge), o programa arrancaba xa o venres 19 de abril con actividades para todos os gustos e idades.

A xornada do domingo, arrancaba co pasarrúas do grupo Airiños de Caldelas e a exposición de coches clásicos na praza durante a sesión vermú, e xa pola tarde, tocoulle o turno ao teatro coa representación da obra A voda do esganarello a cargo do grupo A Ruada. O Centro Social Santa Lucía acollía esta disparatada obra que narra as inquedanzas amorosas dun home rico e entrado en anos, prendado dunhe fermosa xove. Unha adaptación da obra de Molière Le Mariage, aliñada cos rumores e trouladas dos entendidos na materia que fixeron as delicias dos asistentes.

O baile do domingo correu por conta da orquestra Marbella e hoxe, luns 22 de abril, tocaralle o turno ao Trío Fussión que actuará en sesión de tarde e verbena.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies