En portadaGalerías de fotosÚltima hora

Tendal xigante no Malecón do Barco para homenaxear a Antonio Fraguas

Está formado por centos de camisetas realizadas polo alumnado dos colexios e institutos barquenses que traballou arredor do traxe tradicional galego, un dos eidos sobre os que investigou o autor pontevedrés

Arredor das cinco e medio da tarde do 15 de maio, profesores e tamén algúns estudantes dos centros educativos do Barco comezaban no Paseo do Malecón a montaxe do que, horas despois, se convertía nun xigantesco tendal con centos de camisetas elaboradas polo alumnado dos colexios Otero Pedrayo de Viloira, Julio Gurriarán, Condesa de Fenosa e Divina Pastora, así como polo dos institutos Martaguisela e Lauro Olmo. Con esta singular iniciativa a comunidade educativa pretende compartir e levar á rúa o traballo desenvolvido nos centros para conmemorar a Antonio Fraguas, autor homenaxeado nas Letras Galegas deste ano 2019.

Esta actividade titulada “Antón Fraguas: presume de prenda, presume de lingua” céntrase na promoción e estudo do traxe tradicional galego nas súas múltiples variantes locais e, tamén cronolóxicas. Os estudantes plasmaban, de diferente xeito en camisetas brancas as diversas prendas da vestimenta tradicional, pero tamén a diversidade lingüística das mesmas. A iniciativa foi coordinada dende os equipos de Dinamización Lingüística dos centros educativos do Barco.

Agora ese labor de investigación e tamén creativo pode admirarse nesta singular pasarela ao aire libre, que xa percorrían na tarde do 15 de maio numerosas persoas. Este fermoso e orixinal tendal poderá verse ata finais deste mes.

Fotos: Ángeles Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close