En momentos difíciles como o que estamos vivindo pola pandemia do Covid-19, nos que non parece doado manter a tarefa educativa e a ilusión, e tras un contacto semanal permanente entre o profesor e os alumnos de frauta do Conservatorio Profesional de Música de Ourense lograban sacar adiante un vídeo participativo, no que todos colaboraron “con enorme ilusión”, asegura o profesor Carlos Núñez Deza.
Fixeron os arranxos, os ensaios, as grabacións, a edición e a mestura para presentar a súa propia versión do tema The Final Countdown de Europe, co desexo de que realmente estemos no final da conta atrás da crise. “Estamos avanzando, si, pero só se temos sentidiño e actuamos con responsabilidade remataremos ben esta conta atrás”, asegura Carlos.
