Publicidade
En portadaÚltima hora

Todo listo para o XI Mercaberto do Barco

Esta mostra de oportunidades abrirá as súas portas este venres ás 17:30h.

Un dos momentos da montaxe do recinto feiral de Mercaberto no Barco./ Foto: Carlos G. Hervella.

 

Multitude de produtos de sectores que van dende a confección, pasando polo complementos, decoración e ata o tecnolóxico poderán atoparse a interesantes prezos na decena de expositores do XI Mercaberto, unha mostra de oportunidades que promove o Centro Comercial Aberto (CCA) en colaboración co Concello e que funcionará os días 23 e 24 de agosto no Paseo do Malecón (nas proximidades de Correos). O seu acto inaugural está previsto para as 17:30h. desta tarde de venres 23.

Entre as novidades desta edición figuran as actividades complementarias, algunhas delas vencelladas co sector vitivinícola e que serán promovidas polo CCA e pola Ruta do Viño de Valdeorras. Denomínanse “Aromas de Valdeorras. Espíritos con vida propia” e inclúen un obradoiro infantil de sabores (gratuíto), dirixido a nenos de entre 5 e 14 anos. Será impartido pola sumiller Mercedes González o 24 de agosto entre as 11:30h. e as 13h. Terá un aforo limitado a 40 cativos e será precisa inscrición previa.

O mesmo sábado pola tarde, entre as 19:30h. e as 21h. realizarase unha “cata a cegas: proba sensorial” (para un máximo de 50 persoas), tamén dirixida pola sumiller Mercedes González. Será necesario anotarse con anterioridade e o seu custo será de 5 euros (teléfono 988 32 11 50).

Ademais, tanto na tarde do venres como na do sábado (de 18h. a 23h.), haberá inchables para os cativos. E como broche da mostra, o sábado a partires das nove e media está previsto un concerto a cargo do grupo valdeorrés Os Broders.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close