ConcellosGalerías de fotosÚltima hora

Tradición, artesanía e música toman as rúas trivesas

A vila celebra dende o 9 de agosto a XI Mostra do Patrimonio Inmaterial con multitude de actividades, entre elas un concerto da Banda de Mazinger

Dende un mercadiño de artesanía e gastronomía, pasando por música tradicional e mesmo pop, ata deportes como a billarda. Con multitude de propostas pensadas para todos as idades Trives está a celebrar durante esta fin de semana a XI Mostra de Patrimonio Inmaterial, unha iniciativa que promove a Asociación Cultural A Caniceira.

Os cantos de taberna do venres 9 de agosto abrían esta celebración, que continuaba o sábado coa apertura, ás once da mañá, dun mercadiño de artesanía (aberto durante toda a fin de semana) no casco antigo da vila. Para animar a mañá actuaba a Banda de gaitas Os Trintas, mentres ás 12h. na Finca da Barreira tiña lugar o V Campionato de Billarda. Durante a noite actuaba a Banda de Mazinger, rememorando éxitos dos 80 na Praza Doutor Paz.

Nesta xornada deste domingo 11 de agost o mercadiño estaba animado coa música das Macizas Centrais e durante a tarde terá lugar o desfile de folións. O programa finalizará a partires das 22:30h. coa actuación de Os Fillos do Estramonio na Praza do Reloxo.

Fotos cedidas pola A.C. A Caniceira
Máis información:
https://www.osil.info/v-campionato-de-billarda-en-trives/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close