Tradición, gastronomía e música na XIX Mostra de Aceite de Quiroga

A localidade de Bendilló acollerá o 12 de maio esta celebración, declarada festa de interese turístico galego

Demostración da elaboración tradicional de aceite no muíño de Bendilló (Quiroga)./ Foto: Carlos G. Hervella.

O vindeiro domingo 12 de maio a Mostra do Aceite de Quiroga cumprirá dezanove anos. O seu programa iniciarase na localidade de Bendilló ás 11:30h. con demostracións de elaboración artesanal de aceite no antigo muíño de Bendilló.

Ademais, ao longo da xornada poderán probarse e mercarse os aceites de cinco colleiteiros da zona (Pedro Soto, José Manuel López, Jesús Bao, Jesús Arias e Manuel Mondelo) no recinto feiral, instalado moi preto do muíño. Para poder participar, o Concello de Quiroga esixíalles aos produtores contar cunha colleita mínima de 200 litros e abonar 100 euros de inscrición ou facilitar a cantidade equivalente en aceite.

Na mostra tamén se venderán outros produtos típicos de Quiroga como mel, licores ou marmeladas, xunto con artesanía. Ás 11:30h. actuará o grupo O Recanto e ás 12h. celebrarase unha cata comentada dos aceites participantes na mostra na Capela das Farrapas.

As persoas que visiten a feira terán a oportunidade desfrutar con diversas actuacións de formacións locais de baile e de música tradicional galega a partires das 12:45h. A primeira delas será a do grupo de gaitas O Recanto e logo virá a do grupo de danza San Martiño. Finalmente, ás 14:30h. volverá a soar a música do Recanto.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies