Un operario necesitou ser evacuado en helicóptero medicalizado tras caerlle unha árbore enriba, no concello ourensán de Castrelo do Val, segundo vén de informar o 112 Galicia. O suceso producíase nunha zona forestal próxima ao lugar de Campobecerros, pasadas as doce e media deste luns. A esa hora, un particular contactou co 112 Galicia para alertar do accidente laboral e solicitar asistencia médica para o traballador.
“Deste xeito, os xestores do CIAE-112 Galicia informaron do acontecido ao servizos sanitarios, de feito mobilizaron para o punto a aeronave medicalizada con base en Ourense para trasladar ao ferido. Ademais, tamén se lle facilitaron os datos aos axentes da Garda Civil e aos bombeiros do GES de Laza, por se fose necesario dar apoio no lugar”, segundo informa o 112 Galicia.