O alumnado de Franciscanas de Ourense, coordinado por Gonzalo Sánchez e María José Castro, conseguía este ano trece dos vinte galardóns de Secundaria, Bacharelato e FP no XXXVII Concurso Escolar da Constitución convocado pola Subdelegación do Goberno en Ourense. Alumnado que realizou estupendos traballos sobre o Título I Dereitos e deberes fundamentais, artículos 10-55 da Carta Magna.
Un éxito máis para este centro educativo de renome na cidade de Ourense que, da man dos seus Ecovixiantes, seguen intentando mellorar o medio ambiente. Para iso, unha semana máis celebraban a xa tradicional xornada de limpeza e deporte na praza Roja. “Gran batida de cabichas e un partido de hockey entre Sporting Sogama e Atlético Pilabot, que terminaron en táboas”, explica o profesor, Lalo Sánchez, incidindo en que continúan co Programa Stars España de desprazamento sostible e seguro, agradecendo a Ecourense o material recibido. No marco do programa Recíclate con Sogama, levaron os envases lixeiros ao contedor amarelo.
Ese mesmo día os alumnos de 1º da ESO recibían a visita de representantes da Deputación (o vicepresidente César Fernández e o coordinador da campaña, Diego Lago), dentro da 9 Semana Escolar da Provincia na que participaron preto de 7.000 alumnos e profesores de Educación Secundaria de 46 centros educativos.
O centro educativo Divina Pastora MM Franciscanas pechaba a semana coa chegada dunha illla de reciclaxe e un compostador por xentileza de Sogama, dentro do Plan Proxecta Recíclate con Sogama. Un contedor amarelo, outro verde e un terceiro azul que serán proximamente ubicados no patio do colexio onde o alumnado é xa especialista en 3Rs (Reducir, Reutilizar e Reciclar) e en Economía Circular.
Centro Autonómico de Formación e Innovación
A actividade dos Ecovixiantes de Franciscanas de Ourense foi moi intensa nesta semana, cando o seu líder, o profesor Gonzalo Sánchez, era convidado polo CAFI (Centro Autonómico de Formación e Innovación), para impartir hábitos saudables e compostaxe no CEIP de Toques, A Coruña.
Lalo levou o modelo Sogama a este centro coruñés cun profesorado moi xove que porá en práctica a teoría impartida. “Economía circular e as 3Rs completaron este ameno curso de formación”, explica Lalo que foi acompañado por Chiqui de Stars Nature Watchers do Colexio María Inmaculada de Verín.
Fotos cedidas.
