CulturaCulturaEducaciónÚltima hora

Tres centros educativos do Barco e un de Viana desenvolverán este ano o programa de reforzo ARCO

Os colexios son: IES Lauro Olmo, CEIP Plurilingüe Julio Gurriarán Canalejas, CEIP Ramón Otero Pedrayo, CEIP Bibei

O IES Lauro Olmo do Barco é un dos centros que desenvolverá o programa. /Foto: Mónica G. Bellver.

 

Un total de 15 centros de ensino da provincia de Ourense, entre eles o IES Lauro Olmo, o CEIP Plurilingüe Julio Gurriarán Canalejas e o CEIP Ramón Otero Pedrayo do Barco de Valdeorras; e o CEIP Bibei de Viana do Bolo, desenvolverán este curso o programa de accións de Apoio, Reforzo de Competencias e Orientación dirixidas a centros públicos de primaria e secundaria (ARCO). No conxunto de Galicia participarán na iniciativa un total de 141 centros, segundo a resolución definitiva publicada pola Consellería de Educación, Universidade e Formación Profesional.

O ARCO, que pode ser complementario cos contratos-programa, ten como obxectivo “implicar ao grupo de clase nas actividades de reforzo, co fin de conseguir o máximo desenvolvemento emocional, intelectual e social do alumnado”, explican dende a Consellería de Educación. Este programa, dirixido aos centros públicos, consta de 3 liñas de actuación que desenvolverán axustes educativos dentro da aula ordinaria, co obxecto de garantir a máxima inclusión favorecendo a participación no grupo-clase e a consecución do máximo desenvolvemento emocional, intelectual, social e profesional de todo o alumnado.

O obxectivo da iniciativa é apoiar o alumnado para a mellora do rendemento académico, co fin de mellorar o éxito escolar e previr o abandono educativo temperán do alumnado que cursa as ensinanzas obrigatorias. Así mesmo, xerarase un clima de aprendizaxe que favoreza o traballo en equipo, cooperativo e por proxectos e procurarase diminuír as barreiras de aprendizaxe que dificultan superar e acadar os obxectivos do nivel educativo. Todas as liñas desenvolveranse dentro do horario lectivo e mediante apoios a través do uso de metodoloxías activas e participativas, así como a aplicación de medidas organizativas ao alumnado obxecto da liña.

Para a selección dos centros participantes téñense en conta criterios como as porcentaxes de alumnado que promocionou con algunha área non superada, con necesidades específicas de apoio educativo e repetidor ou os centros que participaron no antigo programa de reforzo PMAR, entre outros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close