Arredor das 21:15h. deste martes, 7 de xullo, producíase un accidente de tráfico na OU-622, no termo municipal de Rubiá. Un turismo saíase da vía pola marxe esquerda no km 7,5 da citada estrada.
Ata o lugar do suceso desprazábase de inmediato a Garda Civil de Tráfico do Barco, así como os servizos sanitarios de emerxencia. Os tres ocupantes do vehículo resultaban feridos leves e eran trasladados ao Hospital Público de Valdeorras.
O seu condutor, que deu negativo na proba da alcoholemia, apuntaba como causa do accidente un deslumbramento.
