En portada

Trevinca, primeiro destino turístico “Starlight” de Galicia

O Concello da Veiga recibía esta certificación a primeiros de agosto
O presidente da Deputación e o alcalde da Veiga, na presentación de Trevinca como destino turístico Starlight.
O presidente da Deputación e o alcalde da Veiga, na presentación de Trevinca como destino turístico Starlight.

Un dos catorce destinos no mundo que conta coa certificación “Starlight” é Trevinca. Este é un sistema de certificación que é avalado pola UNESCO, pola Unión Astronómica Internacional e pola Organización Mundial de Turismo e que o Concello da Veiga recibía o 4 de agosto. Trevinca é ademais o único de Galicia. Así se destacaba na presentación deste destino astronómico que facían a Deputación de Ourense e o Concello da Veiga na mañá do 25 de agosto en Ourense.

Este recoñecemento como destino turístico Starlight converte a Trevinca, o teito de Galicia, nun lugar visitable con boas condicións para a contemplación de estrelas e que está protexido de contaminación lumínica, sendo apto para acoller iniciativas turísticas relacionadas coa contemplación do ceo, segundo recoñecen dende a Fundación Starlight coa concesión deste certificado. Tal e como asegurou durante a presentación o alcalde da Veiga, Juan Anta, este certificado significa “unha marca de calidade porque no Concello de A Veiga hai un dos mellores ceos do mundo onde ver as estrelas”. Nela estivo acompañado polo presidente da Deputación de Ourense, Manuel Baltar, e polos asesores astronómicos, Óscar Blanco e Pablo Canedo.

Pola súa banda, Manuel Baltar destacaba as condicións “excepcionais de determinadas áreas do concello de A Veiga para contemplar os ceos estrelados” e isto supón que A Veiga entra nunha dinámica e tamén a provincia de Ourense “dun segmento emerxente do turismo que é o astroturismo ou o turismo das estrelas”.

Ademais, no acto os asesores astronómicos fixeron un repaso polas características quen fan da Veiga un sitio idóneo dende o que ver o ceo estrelado. Entre elas destaca a baixa contaminación lumínica e a súa gran altitude, que fai que a atmósfera amose as súas mellores condicións. Ademais, dende A Veiga, pódese ver a Vía Láctea de lado a lado.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close