En portadaÚltima hora

Trevinca, terra de mel e cogomelos

Ao redor destes produtos xirarán varias actividades que organizará o Concello da Veiga a finais de outubro
Cogomelos./ Foto: Carlos G. Hervella.
Cogomelos./ Foto: Carlos G. Hervella.

Están moi ligados á montaña e destacan polo seu valor gastronómico. Nos cogomelos e no mel centraranse unha serie de actividades que o Concello da Veiga, situado aos pés de Trevinca (o teito de Galicia), desenvolverá nos vindeiros días.

Nas mañás do días 26 e 30 de outubro, a partires das once, terá lugar un obradoiro e cata de mel denominado “Trevimel” no Concello da Veiga. Incluirá unha charla impartida dende o Consello Regulador do Mel de Galicia sobre tipos de meles, así como a súa elaboración, conservación e etiquetado. Tamén se darán consellos de consumo e, de seguido, farase unha cata de meles. Ademais ás 12:30h. elaboraranse pratos doces e salgados nos que o mel será o ingrediente principal.

Por outra banda, outros froitos do bosque propios do outono serán os protagonistas noutro par de actividades baixo a denominación de “Tregumelos”. Así o 25 de outubro impartiranse unhas xornadas micolóxicas para hostaleiros e ademais o 29 de outubro terá lugar outra cita formativa, desta volta para o público en xeral. A programación comezará neste segundo caso ás 10:30h. cunha intervención sobre os principais xéneros seguros: Boletus e Lactarius. Unha hora despois farase unha saída técnica tutelada, seguida de identificación e clasificación. A xornada continuará pola tarde con máis formación teórica, neste caso sobre os cogomelos na cociña. E ás 19:30h. procederase é elaboración de pinchos.

As persoas interesadas en participar nestas actividades poderán facelo incribíndose na Oficina de Turismo da Veiga.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close