ConcellosÚltima hora

Trives acollerá en xullo unha nova edición da Concentración Mototurística Os Esquíos

As Macizas Centrais, Malditos Pendejos e Gin Toni’s porán son á XVI xuntanza moteira

Motos na anterior edición da concentración.

Un ano máis e xa van 16, superando o número de inscritos e cada edición, o Motoclub Os Esquíos de Trives teñen xa todo preparado para a concentración mototurística 2019 que se celebrará do 12 ao 14 de xullo.

A programación inclúe xantar, fantásticas rutas de interior con pinchos en abundancia, premios, unha ruta de bengalas, exhibición acrobática, actuacións musicais e mesmo unha exposición de motos clásicas. Coma sempre, haberá zona de acampada, tanto cuberta como exterior, con servizos e duchas; e a inscrición é de 35 euros en taquilla (30 euros anticipada e para socios).

O programa encetarase o venres día 12 de xullo coa apertura de inscricións a partir das 19h. e a festa de benvida que inclúe a tradicional chourizada con sangría, que dará paso á actuación de Malditos Pendejos na rúa San Martín con karaoke como fin de festa. O sábado 13 de xullo ás 11h. comezará a ruta turístico-gastronómica e ao volver a Trives, terá lugar a ruta barítima polo pobo co tradicional “porco no espeto”, e a música das Macizas Centrais. Xa pola noitiña haberá churrascada e a partires das 23h. comezará a ruta de bengalas “na honra aos compañeiros caídos”. O prato forte chegará a partir da media noite co stunt show a cargo do rider Corredoira 89. O broche á velada porao a actuación musical en directo de Gin-Toni’s. A concentración rematará o domingo día 14 cunha gran ruta mototurística (10:30h.) o xantar coa entrega de premios.

 

Cartel da XVI concentración mototurística Os Esquíos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close