Publicidade
CulturaCulturaÚltima hora

Trives acollerá este sábado a proxección da nova película de Ignacio Vilar “María Solinha”

O visionado, de tipo autocine, terá lugar na Finca da Barreira. O recinto abrirase ás 20:30h. e contará coa presencia do director petinés

Fotograma da película extraída da páxina web de Vía Láctea Filmes.

 

O concello da Pobra de Trives acollerá mañá, 4 de xullo, a proxección en autocine do novo filme de Ignacio Vilar, “María Solinha”, con entrada gratuíta. Terá lugar na Finca da Barreira, cedida polos propietarios especialmente para o evento. A apertura do recinto farase ás 20:30h. e, logo da presentación, farase a proxección do filme ás 22:30h. O acto contará coa presencia de Ignacio Vilar, natural do concello de Petín, o produtor cultural e unha parte do elenco de actores e actrices.

A longametraxe, protagonizada por Santi Prego, Antonio Durán “Morris” e Mabel Rivera e producido por Vía Láctea Filmes e a Televisión de Galicia, narra a reconstrución da historia de María Solinha, unha muller acusada de bruxería e queimada pola Santa Inquisición no ano 1621. Foi rodada principalmente en Cangas, Redondela e a Illa de Toralla.

 

Cartel promocional do autocine.

 

A elección do autocine en Trives como formato de proxección permitirá desfrutar do filme ao tempo que se cumpre estrictamente a distancia de seguridade e os protocolos sanitarios. Ademais Protección Civil da Pobra de Trives estará colaborando na organizacion do aforo.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close