Un ano máis, a segunda fin de semana do mes de xullo as motos tomarán A Pobra de Trives. E farano da man do Moto Club Os Esquíos que organiza a súa concentración mototurística, “a máis veterana da provincia de Ourense”, din, e que este ano en que celebran a edición “12+1”, presenta novas sorpresas.
A programación inclúe xantar, fantásticas rutas de interior con pinchos en abundancia, animacións, música, entregas de premios e agasallos, unha ruta de bengalas como homenaxe aos compañeiros caídos nas estradas, exhibicións acrobáticas a cargo de Paulo Martinho que este ano presenta como novidade un espectáculo con Ferrari.
Haberá zona de acampada, tanto cuberta como exterior, con servizos e duchas, así como hoteis, campings, pazos e pensións colaboradoras.
A inscrición é de 30 euros (25 euros para socios/as do Moto Club) e o aforo limitado aos 350 primeiros inscritos.
Máis indformación na edición en papel do Periódico O Sil, no facebook do Moto Club: https://www.facebook.com/osesquiostrives/?fref=ts ou no e-mail: os.esquios@gmail.com
