Dende a Finca da Barreira partía o percorrido festivo e deportivo do Día da Bici 2016 en Trives na mañá do 14 de agosto. Numerosas persoas de todas as idades, dende meniños ata veteranos, collían a súa bicicleta e sumábanse a esta iniciativa, promovida polo Concello de Trives.
As inscricións abríanse ás dez da mañá e a saída dábase ás doce. A organización, en mans do Concello de Trives, establecía dous percorridos un para os nenos (de menor distancia e urbano) e outro para os adultos (de 5 km e que saía fóra da vila). A meta desta proba popular situábase tamén na Finca da Barreira. Ao rematar facíase o sorte dunha bici entre os máis pequenos, na que afortunada era Ana Basalo González, e outra entre os adultos que conseguía Francisco Jiménez, veciño da Encomenda.
Nesta galería de imaxes poden verse diferentes moementos da proba, así como aos afortunados no sorteo.
Fotos cedidas.
