CulturaCulturaÚltima hora

Trives conmemorará o 27 de outubro Día da Restauración da Memoria Lingüística de Galicia

Ao mediodía descubrirase unha placa na porta do cemiterio municipal “na memoria de todos os que aquí xacen, porque grazas a eles Galicia segue a ter cultura e lingua de seu”

 

Cartel deste evento.

Cun acto no cemiterio municipal o vindeiro 27 de outubro ás 12:30h. Trives sumarase aos concellos galegos que conmemoran o “Día da Restauración da Memoria Lingüística de Galicia”. Este evento está promovido, xunto co Concello, pola Asociación de Funcionarios para a Normalización Lingüística coa intención de lembrar que a pesares de que é práctica habitual nos cemiterios a instalación de lápidas en castelán a meirande parte das persoas que alí xacen eran galegofalantes.

Unha placa que se descubrirá nesa mañá na porta do cemiterio trivés recordará a todos os que alí repousan, baixo a lenda “na memoria de todos os que aquí xacen, porque grazas a eles Galicia segue a ter cultura e lingua de seu”, e entre outros tamén haberá nese mesmo lugar un acto de sinatura de derradeiras vontades, para que todo aquel que o desexe exprese por escrito a decisión de que, unha vez falecido, a súa liturxia sexa en galego.

O alcalde da Pobra de Trives, Domingo Diéguez, sumarase a esta firma animando á toda a veciñanza a que así o faga “en apoio da lingua galega e da recuperación da memoria histórica, poñendo en valor o noso idioma e tentando cambiar as mentalidades para que se deixe de discriminar ao galego nos camposantos, tanto nas lápidas, como nas liturxias o unas necrolóxicas.”

A idea desta celebración coincidente co Día de Defuntos ou datas próximas, xurde da Asociación de Funcionarios para a Normalización Lingüística.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close