Entre as propostas que a Concellería de Cultura da Pobra de Trives ultima para conmemorar o Día das Letras Galegas figura a segunda edición do Concurso de Contos Curtos “Cóntame un Contiño”, dirixido a todo o público de 6 anos en adiante. Nel poderá participarse en 4 categorías segundo a idade: de 6 a 9 anos, de 10 a 12 anos, de 13 a 17 anos e de 18 anos en adiante.
“O obxectivo desta actividade”, adiantan dende a Concellería de Cultura, “é promover a lectura e a escrita en lingua galega, fomentando tamén a creación literaria. Ademais nos contos deben incluír unhas palabras claves que son iguais para todas as categorías”. Con esta proposta búscase, ao mesmo tempo, a dinamización lingüística.
O prazo para presentar os traballos e concursar vai do 6 ao 15 de maio deste ano. Nas bases establécese un premio por categoría. Para ver os requisitos e máis información pódense consultarse estas bases na páxina web con concello: www.apobradetrives.es.