CulturaCulturaGalerías de fotosMúsicaÚltima hora

Trives despide o ano ao son das corais

A Coraliña Infantil, a Coraliña Cantora e o Orfeón Trivés, no certame celebrado no Auditorio

Obradoiros, contacontos, carreiras, festivais, exposicións, cine,… Moi extenso e variado está sendo o programa de Nadal na Pobra de Trives que despedía o ano ao son das corais.

Na tarde do 30 de decembro, o Auditorio Julio Vázquez acollía o tradicional certame navideño que contou coa actuación dos tres coros que hai na localidade, dirixidos por Sandra González. Os primeiros en actuar eran os máis pequeniños, a Coraliña Infantil que interpretaron cinco temas: Simba Saya, Mantusha Lupa Musha, Los Cacharros, El burrito sabanero e Rodolfo el reno. De seguido tocáballe o turno á Coraliña Cantora con Dodili, Keshet l’vana, Siempre e Kusimama.

Os últimos en subirse ao escenario eran os membros do Orfeón Trivés que poñían voz a outros cinco temas: Verbum caro factum est (anónimo s. XVI), O sacrum convivium (Luigi Molfino), Villancico del canario (Íñigo Casali), Tres motetes (Julio Domínguez) e Regina caeli laetare (Gregor Aichinger).

O festival remataba cos tres coros sobre o escenario interpretando Dubi dum.

Fotos: Carlos G. Hervella.

Artigos relacionados

Back to top button