Trives encetará o Día das Letras Galegas coa “Ruta das Hortas”

Ademais desta actividade de sendeirismo familiar, os nenos pintarán un mural e, xa o día 18, haberá un concerto do rues Magín Blanco

 

Actividade de sendeirismo nas Letras Galegas do pasado ano en Trives./ Foto: Concello de Trives.

De paseo e entre a natureza comezará do 17 de maio, Día das Letras Galegas, en Trives. Seguen os actos programados polo Concello trivés para conmemorar esta data, sendo a xornada do 17 de maio unha das centrais. Así ás 11:30h. sairá dende a Oficina de Turismo, diante do Colexio Santa Leonor, a ruta de sendeirismo familiar “As Hortas”, de aproximadamente 4 km.

No seu decurso “haberá lecturas de poesías e obras da homenaxeada este ano polas Letras Galegas, María Victoria Moreno. Rematará novamente na Biblioteca Municipal onde haberá exposición de libros e obradoiro”, aseguran dende o Concello de Trives. Esta actividade está organizada polas traballadoras da Oficina de Turismo.

As celebracións proseguirán pola tarde e coa divertida proposta “Pintar en Galego…mola!!”. Ás 17h. no Parque da Praza de Abastos continuarase ca actividade iniciada xa fai un ano de pintar no parque enchendo o muro coas palabras galegas máis fermosas, mentres os máis pequenos tamén farán os seus pequenos murais de papel en galego. “Faremos unha vez máis ao noso idioma o único protagonista e que así quede reflexado”, destacan dende o Concello.

 

O cantautor rues Magín Blanco.

O peche da festa será moi especial e está previsto para o venres 18. O músico rues Magín Blanco presentará en Trives o seu novo disco, “Camiños”. “Un espectáculo musical da man dun dos mellores músicos e compositores de Galicia adicados ao público infantil e xuvenil”, sinalan dende o Concello. O concerto será ás 20h. no Auditorio Julio Vázquez, e a entrada é de 3€ (para nenos e nenas entre 0 e 2 anos de idades a entrada é de balde). A venta de entradas será media hora antes do concerto, no propio Auditorio.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies