Publicidade
En portadaEntroido 2020Galerías de fotosÚltima hora

Trives latexa cos toques, danzas e máscaras de ata trece folións

A vila acollía neste domingo a 16ª Xuntanza que promove o Folión Os Labregos

Os toques de ata trece folións diferentes enchían Trives da forza do Entroido do oriente ourensán na tarde deste domingo 16 de febreiro. A vila acollía a xuntanza de folións que promove con éxito dende hai xa 16 anos a Asociación Os Labregos.

Era precisamente o seu folión e os seus Boteiros os que abrían o desfile que partía arredor das 15:30h. da Finca da Barreira e que logo continuaba polo casco antigo da vila ata a praza do Reloxo. Numerosas persoas seguían o percorrido desta comitiva entroideira chea de ritmo, cor, máscaras e danzas.

Ademais do Folión Os Labregos desfilaban outros tres folións triveses: A Lardeira, As Maceiras e A Caniceira. As Mázcaras de Buxán (O Bolo) enchían asemade das súas coloristas danzas ás rúas ao ritmo do toque de bombos e gadañas, os Boteiros de Asociación Xuntos polo Fulión de Vilariño de Conso sorprendían cos seus saltos e as Mázcaras de Manzaneda despregaban a súa elegante danza ao trepidante toque do fulión.

 

 

Tamén participaban os folións de Carracedo da Serra (A Gudiña), os Arrieiros de Petín, Os Viticultores de Vilamartín, o folión de Queixa e o da Veiga, coa figura da Morte e os Charrelos. Pechaba o desfile o folión de Fradelo (Viana do Bolo), precedido polas carreiras dos seus Boteiros.

Pasadas as sete da tarde este último folión chegaba á praza do Reloxo e completábase o desfile, no decurso do cal a Policía Local e Protección Civil de Trives e Manzaneda encargábanse de regular o tráfico e velar pola seguridade. Despois, os folións asistentes eran agasallados por Os Labregos cunha merenda no pavillón polideportivo trivés.

Fotos: Ángeles Rodríguez.

Máis fotos:
https://www.osil.info/o-xvi-desfile-de-folions-de-trives-en-imaxes/

Vídeos:
https://www.osil.info/videos-do-xvi-desfile-de-folions-de-trives-organizado-por-os-labregos/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close