Trives, O Barco, Viana e A Veiga, entre os concellos presentes na 20 edición de Xantar

En varios dos expositores do Salón haberá degustacións de produtos artesanais durante a fin de semana

Como un gran escaparate turístico, cultural e gastronómico, de empresas, asociacións e tamén municipios, se presenta cada ano Xantar. Nesta ocasión na que cumpre 20 anos non é unha excepción e son moitos os concellos que contan con representación no Salón Internacional de Turismo Gastronómico que abría as portas na mañá do 6 de febreiro en Expourense.

Hai municipios de diferentes partes de España como Zamora, de Portugal e de toda Galicia. Por proximidade a provincia de Ourense é a que máis representación ten con stand dos concellos de Viana do Bolo, Laza, Xinzo de Limia, O Carballiño, Arnoia, Maceda,… algúns deles promocionando o seu Entroido, e outros moitos con degustacións de produtos artesanais.

 

A adegueira Xiana Domínguez e Reme Martínez no stand do Concello de Trives.

Neste último apartado están, entre outros, A Pobra de Trives que, ademais de promocionar e vender os seus produtos ao longo de toda a semana, fará degustación de Viño, Embutidos, Bica e Mel o sábado 9 de febreiro; O Barco de Valdeorras con degustación de Botelo o domingo 10 de febreiro; Castro Caldelas con degustación de Bica; ou A Veiga, con degustación de Requeixón con Mel.

Outra das actividades destacada do salón é o Tunel do Viño, con caldos de todas as denominacións de orixe galegas entre elas Monterrei e Valdeorras. Na xornada inaugural, xa se vía a moita xente percorrendo os expositores e interesándose polo produtos tradicionais de cada zona.

 

A alcaldesa de Oímbra e deputada provincial Ana Mª Villarino, o presidente da Deputación Manuel Baltar e a presidenta do C.R.D.O. Monterrei Lara da Silva.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies