ConcellosEn portadaÚltima hora

Trives recuperará a Romería da Festa da Bica o 28 de xullo

O Concello e o Club Montaña Trives organizarán na mañá dese día unha subida dende a vila ata a Estación de Montaña de Manzaneda
Bica de Trives./ Foto: Carlos G. Hervella.

Será unha camiñata festiva, pero de dificultade alta, cunha distancia de 17 km e un desnivel de 805 metros, que suporá un tempo dunhas catro horas e media. Con esta marcha o Concello da Pobra de Trives e o Club de Montaña Trives pretenden recuperar a tradición da Romería da Festa da Bica o vindeiro 28 de xullo.

Nesta subida, que se iniciará ás 8:30h. na praza do Concello,  están previstos dous avituallamentos sólidos e líquidos e a marcha finalizará co xantar da Romería na Cabeza Grande. O menú incluirá empanada, lacón e, por suposto, bica, mentres desfrutan do Festival Celtibérico de Bandas de Gaitas. Os participantes disporán despois dun autobús para regresar a Trives.

 

 

A actividade completa (con seguros, xantar e baixada en autobús) ten un custo de 12 € por participante. As persoas interesadas poden dirixirse á Oficina de Turismo ou descargar na páxina web do Concello (www.apobradetrives.es) a folla de inscrición onde están as instrucións e recomendacións. As incricións deberán facerse antes do 24 de xullo.

Dende o Concello da Pobra de Trives anímase a participar nesta iniciativa e “a exaltar con nós esta festa tan importante para Trives como é a Festa da Bica!!”.

 

Tags

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close