Magosto popular ao ritmo do Grupo Assia na tardiña do 13 de novembro en Trives. Multitude de persoas desfrutaban desta celebración, que se iniciaba a partir das 19:30h. na rúa San Martín da vila. Polo de prezo de 2 euros podía desfrutarse de degustación de castañas dun bocadillo de chourizo ou panceta xunto con viño, auga e Bica de Trives.
Todo isto entregábanse en packs individuais, co logotipo de Terras de Trives, nos que se usaba unicamente materiais reciclables: bolsa, vasos e bandexiñas. Deste xeito o Concello tamén quería plasmar o seu compromiso co medio ambiente a coa Axenda 2030.
A celebración tivo unha excelente acollida, ata o punto de que se triplicaba a participación rexistrada en edicións anteriores.
Ademais este magosto popular, no que houbo ata bombas, estaba animada pola actuación do Grupo Assia que facía bailar e cantar aos asistentes.
Fotos e vídeos cedidos.
