EconomíaEconomíaGalerías de fotosÚltima hora

Trives rompe cos estereotipos na moda e aposta polo comercio local

O CIM organizaba o 11 de xuño o “II Desfile Trives está de moda” na praza do Reloxo, implicando a cidadáns e empresas

Sobre a pasarela e a alfombra vermella instalada na praza trivesa do Reloxo na tarde do 11 de xuño desfilaban uns modelos moi especiais ante a mirada das numerosas persoas que enchían o lugar. Rompían cos canons establecidos e cos estereotipos e poñían en valor aos cidadáns triveses, amosando que a beleza está na diversidade, e tamén ao comercio local. Trátabase da segunda edición do desfile “Trives está de moda”, no que participaban medio cento de veciñas/os (dende nenos ata maiores de 80 anos) deste concello.

A iniciativa está promovida dende o CIM (Centro de Información á Muller) do Concello de Trives xunto con comercios de roupa da vila (Vázquez Moda e Marnia), de deportes (Mátias, Mercería Puri), perruquerías (Triskel, Mariluz e Filo) e floristerías (La Rosa) e coa tenda de fotografía Codifoto. Asemade o acto desenvolvíase coa colaboración na música e na megafonía de Disco Bady. Ao remate do desfile, a organización agasallaba ás persoas que traballaban e colaboraban para facelo posible cunha pinchada.

“O CIM traballa para fortalecer a autoestima da muller desde temperá idade e promover o empoderamento. Outro ano máis adicamos este segundo desfile a resaltar a importancia da beleza natural e a romper canons de beleza, aceptarnos tal e como somos, resaltando que a beleza e cuestión de actitude e que na diversidade está a beleza”, indican dente este centro trivés.

Como na primeira edición deste desfile, faise “un esforzo por estimular a autoestima das mulleres fronte aos estereotipos presentados constantemente nos medios de comunicación e, como non, tamén por fomentar o comercio local, amosar que Trives está de moda e que hai moito roupa aquí cerca coa que nos podemos sentir estupendos e estupendas sin necesidade de saír da vila”, engaden dende o CIM.

Fotos cedidas polo CIM de Trives.

Máis información na edición en papel do Periódico O Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close