Un “Brinde de Rosas”

Roandi presenta o primeiro escumoso rosado de Galicia
Foto: Carlos G. Hervella

Foto: Carlos G. Hervella

Seguindo a estela de Brinde, o primeiro brut escumoso de godello con selo da Denominación de Orixe Valdeorras, a Adega Roandi presenta agora Brinde de Rosas. Con el encétase a elaboración de escumoso rosado en Galicia. “É unha evolución lóxica. Quizais en Valdeorras non haxa tanta tradición de viños rosados, pero, se se colle a tendencia das ventas, vese que os escumosos rosados están triunfando e facéndose un oco no mercado”, explica Gerardo Rodríguez, xerente desta adega de Éntoma (O Barco).

O Brinde de Rosas segue o mesmo proceso de elaboración que o escumoso de godello (pasa nove meses en cova natural, con ausencia de luz e a unha temperatura constante de 11 graos). Nel empregánse tres tipos de uva tinta na mesma proporción: mencía, albarello e sousón. “A mencía non nos proporcionaba a acidez que necesitábamos para este escumoso, entón buscamos ese coupage, esa mestura de variedades con albarello e sousón que si teñen un aporte de acidez maior”, argumenta Gerardo Rodríguez.

Esta primeira produción de Brinde de Rosas que agora sae ao mercado será limitada, tan só 4.000 botellas, e non levará o selo da D.O. Valdeorras xa que “a denominación non ampara aos viños rosados”, matiza o xerente da Adega Roandi. Presentarase o 11 de novembro nun evento en Barcelona promovido por Verema (o maior portal español de viños en internet e un dos máis destacados de Europa).

Texto: Ángeles Rodríguez Foto: Carlos G. Hervella
(A información íntegra pode lerse na edición en papel do Periódico O Sil).

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies