SanidadeÚltima hora

Un “Camiño de superación” para persoas enfermas de cancro de Ourense

Presentación do proxecto.

“Camiño de superación” é o título do pograma de actividades que está a impulsar a Asociación Española Contra o Cancro de Ourense (AECC) e que pretende desenvolver “unha serie de accións no marco do Camiño de Santiago para contribuír á paulatina recuperación psicosocial e da saúde de persoas que están no proceso de superar a enfermidade, á vez que transmitimos á sociedade unha visión esperanzadora na que grazas aos progresos na ciencia, a prevención e os coidados, cada vez hai un maior número de persoas vencen a enfermidade”, tal e como se sinalaba no acto de presentación desta iniciativa, cofinanciada pola Xunta de Galicia, dentro do programa “O teu Xacobeo”.

A presentación do proxecto tiña lugar o 30 de outubro en Ourense e contaba coa presenza da presidenta da AECC Ourense, Dora Gómez e a traballadora social da asociación, Rocio Taboada; ademais de Xulio López, representante da empresa Aventeira Cooperativa Galega Xuvenil, encargada da asistencia técnica do proxecto, e da delegada provincial da Xunta, Marisol Díaz.

O primeiro dos proxectos deste programa desenvolverase pola ruta portuguesa entre A Garda e Santiago de Compostela, do 5 ao 7 de novembro e consistirá en camiñadas e actividades socioculturais. As iniciativas incluídas neste ambicioso programa abranguen un total de cinco áreas: o ámbito artístico, patrimonio-historia-pensamento-espiritualidade, gastronomía, ámbito deportivo e ámbito social.

Un programa que integra 3 proxectos

 Este programa consta de 3 proxectos que establecen unha estratexia de intervención conxunta e implican a realización de 3 itinerarios por distintas rutas xacobeas.

Camiño a superación. Unha ruta ao alcance de todas e todos.

    • Itinerario: Camiño Portugués
    • Datas: Do 5 ao 7 de novembro de 2019
    • Prazas: 48
    • Características especiais: Para persoas que aínda están nun proceso medio de recuperación, polo tanto as etapas serán pouco esixentes e combinarán treitos camiñando e outros en autobús.

Camiño a superación. Contaxiando ánimo.

    • Itinerario: Vía da Prata
    • Datas: Do 15 ao 20 de abril de 2020
    • Prazas: 30
    • Características especiais: Para persoas en avanzado proceso de recuperación e desenvolvendo etapas de xeito clásico, integramente camiñando

Camiño a superación. Exportando optimismoItinerario: Camiño Francés

  • Datas: Do 25 ao 31 de marzo de 2020
  • Prazas: 25
  • Características especiais: Para persoas en avanzado proceso de recuperación e desenvolvendo etapas de xeito clásico, integramente camiñando pero con participantes de todas as CC.AA. Portugal e Italia.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close