A RúaConcellosEn portadaGalerías de fotosÚltima horaVídeos

Un cento de estudantes de Valdeorras, Viana, Trives e Quiroga realizan na Rúa as probas da ABAU

Comezan hoxe e estenderanse ata o xoves con exames en horario de mañá e tarde

 

Dende hoxe e ata o xoves, un cento de estudantes de Valdeorras, Viana, Trives e Quiroga realizan na Rúa as probas da ABAU (Avaliación de Bacharelato para o Acceso á Universidade).

A primeira xornada arrancaba no IES Cosme López Rodríguez ás 9 da mañá deste martes 7 de xuño, coa presentación para os 97 estudantes que se examinarán nesta edición de 2022. 52 alumnos acoden desde os institutos do Barco de Valdeorras (30 do IES Lauro Olmo e 22 do IES Martaguisela); 24 dos da Rúa (17 do IES Cosme López Rodríguez e 7 do Pablo V); 5 do IES Xermán Ancochea Quevedo da Pobra de Trives; 9 do IES Carlos Casares de Viana do Bolo; e 7 do IES de Quiroga.

 

Alumnos do IES Cosme López Rodríguez da Rúa.

 

Alumnos do Pablo VI da Rúa.

 

Coma sempre para a realización das probas, o instituto rues habilitou dúas aulas contiguas. Nunha examínanse os alumnos dos dous centros do Barco, os da Pobra de Trives e os do Pablo VI da Rúa; e na outra os do Cosme López da Rúa, os de Viana e os de Quiroga.

 

Alumnos do IES Lauro Olmo do Barco de Valdeorras.

 

Alumnos do IES Martaguisela do Barco de Valdeorras.

 

Así, con ilusión, certas doses de nerviosismo pero tamén tranquilidade (os de Trives fixeron a espera máis levadeira xogando ás cartas), os xoves afrontan esta primeira xornada na que se examinarán de Historia de España, Lingua Castelá e Literatura II, ámbolos dous exames pola mañá; e de Matemáticas Aplicadas CC.SS, Fundamentos da Arte II, Economía da Empresa e Deseño, xa pola tarde.

 

Alumnos do IES de Quiroga.

 

 

Mañá, mércores 8 de xuño, tocaralle o turno aos exames de Lingua e Literatura II, Primeira Lingua Estranxeira II, Matemáticas II, Latín II, Debuxo Técnico II, Artes Escénicas, Segunda Lingua Estranxeira II, Química e Grego II.

 

Alumnos do IES Xermán Ancochea da Pobra de Trives.

 

E xa o xoves, última xornada da ABAU 2022, será a quenda para os exames de Bioloxía, Historia da Arte, Física, Xeografía, Cultura Audiovisual II, Xeoloxía e Historia da Filosofía.

 

 

Fotos e vídeo: Mónica G. Bellver.

Artigos relacionados

Back to top button