Como resultado do accidente resultaban feridas con carácter leve dúas persoas
Ás 15:30h. deste martes 12 de marzo producíase un accidente de tráfico no punto quilométrico 35,100 da estrada OU-536, ao seu paso polo termo municipal de Mondeterramo. Un turismo saíase da vía pola marxe dereita e posteriormente chocaba contra un poste de formigón do alumeado público.
Como consecuencia do sinistro resultaban feridas con carácter leve dúas persoas. Ata o lugar do accidente desprazábanse de inmediato a Garda Civil de Castro Caldelas, Protección Civil e o 061. Ademais procedíase a regular o tráfico por un paso alternativo ata a retirada do poste da estrada. No operativo tamén interviña o destacamento de Tráfico do Barco.