O Concello da Pobra de Trives continúa desvelando detalles da celebración da Festa da Bica, nunha edición moi especial, xa que será a primeira na que estree a súa recente declaración como festa de interese turístico galego.
Así, entre as propostas do programa figura un concerto da artista Guadi Galego, que actuará en Trives o día 30 de xullo ás 22h. “Contaremos cun amplo programa que comprende dende desfiles de bandas de gaitas, xogos populares, degustación da bica de Trives, unha andaina e a nosa senlleira romería á que asistirán todos os obradores da bica da vila. O pregón das festas serà dado este ano por un deses obradores que desvelaremos próximamente. Tamén haberá lugar para unha homenaxe moi especial. E moitas máis sorpresas”, adiantan dende o Concello de Trives.
