Publicidade
OurenseÚltima hora

Un constructor ourensán planea secuestrar á muller e o fillo do seu exsocio e vai á cadea

O golpe foi perpetrado grazas a que unha das persoas que contratou para levalo a cabo denunciouno na Comisaría de Vilagarcía de Arousa
O detido foi posto a disposición xudicial onte e ordenouse o seu ingreso en prisión.

A Policía Nacional Detivo en Ourense a un home “por artellar un secuestro na cidade”. Segundo explican fontes da xefatura de Policía da Coruña, o feito foi frustrado polo arrepentemento dunah das persoas contratadas para levar a cabo o rapto, “cando a operación estaba en proceso avanzado de execución”. O detido é un home de 52 anos, natural de Ourense, e foi posto a disposición xudicial no día de onte, decretándose o seu ingreso en prisión.

Todos os feitos que motivaron á Policía Nacional a iniciar a investigación deron comezo o 7 de febreiro cando, na Comisaría de Vilagarcía de Arousa, unha muller denuncia que unha persoa contactara con ela e lle propuxera levar a cabo un secuestro en Ourense ofrecéndolle a cantidade de 10.000 euros. Segundo comentou a denunciante, o detido adelantoulle 1.000 euros como anticipo. Na denuncia, indicou que o plan “era reter á muller e ao fillo dun avogado ourensán até que éste pagase unha tantidade de 50.000 euros”, sinalaron fontes policiais.

A partir desta denuncia, as Comisarías de Ourense e Vilagarcía de Arousa elaboraron un dispositivo para elaborar a investigación. Esta operación levou consigo á elaboración dun operativo conxunto “co obxectivo de comprobar os feitos denunciados e, no caso de seres certos, desmantelar a trama criminal plantexada e detendo aos responsables da mesa, outorgándolle tanto ao denunciante como á súa parella a condición de testemuña protexida”, explicaron.

Finalmente comprobouse que, efectivamente, estaba en fase de execución o plan para realizar o secuestro en Ourense, e que a vítima era un coñecido avogado da cidade. Segundo fontes da investigación, o plan establecido era que a denunciante e o seu marido se trasladasen á cidade das Burgas, onde deberían localizar e reter á mullere e o fillo da vítima, “utilizando como arma intimidatoria unha xeringa para, con posterioridade, esixir os cartos ao pai”, explicaron. As mesmas fontes aseguran que o organizador do plan “tiña coñecemento de que a vítima posuía en metálico os 50.000 euros e que os gardaba nunha caixa de seguridade na súa vivenda”.

Segundo constataron dende a Policía Nacional, a vítima e o detido foran socios nunha promoción inmobiliaria de Ourense, a cal resultara un fracaso. Dende ese momento, o organizador do secuestro “responsabilizou ao abogado”. Por outra banda, xa no 2013, sinalaron os axentes, o autor dos feitos fora detido por ameazas e tentativa de extorsión ao seu antigo socio, do que tiña dende entón unha orde de alonxamento.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close