Galerías de fotosÚltima hora

Un desfile de moda no aniversario de Jorge Álvarez Estilistas, en Viana

O estilista amosou algúns dos seus innovadores deseños e peiteados

Modelo de pasarela, perruqueiro, estilista, e agora tamén deseñador e ata modisto. As facetas do vianés Jorge Álvarez non parecen ter límites e malia coñecer o seu traballo en canto a perruquería se refire, vén de sorprender ao público, coas súas propias creacións.

Non tódolos días se ten a ocasión de asistir a un desfile, e menos nun pobo alleo ao mundo da moda, por iso a expectación era moita e o resultado non defraudou. Na tarde do 18 de xullo, Jorge Álvarez Estilistas (estrada San Agustín Nº 6), celebraba o o seu primeiro aniversario en Viana do Bolo. E como non podía ser doutro xeito, facíao cun desfile igual que na inauguración hai un ano, pero nesta ocasión ía un paso máis aló e amais dos peiteados, Jorge amosou sobre a pasarela 10 modelos deseñados por el mesmo. “Eu fixen os peiteados, deseñei os traxes e tamén os confeccionei”, asegura, demostrando que malia a súa xuventude, ten un prometedor futuro no mundo da moda.

Con respecto ás prendas, Jorge apostou por modelos extravagantes, en branco e negro, con complementos innovadores elaborados con materiais pouco habituais (plumas, arames, pedras pintadas, papel…) co que ofreceu un bonito e orixinal espectáculo.

Tralo desfile, o equipo que colaborou co acto deu as grazas a Jorge Álvarez e a súa axudante Melania Granja, coa entrega de dous ramos de flores. A inauguración concluía co sorteo de diferentes tratamentos capilares entre os asistentes.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close