As chuvias destes últimos días, aínda que intermitentes, seguen provocando incidencias, nesta ocasión, no termo municipal do Barco de Valdeorras. Na tarde deste domingo 31 de xaneiro, o GES Valdeorras recibía aviso da Policía Local dun desprendemento na estrada que sube a Castro de Vilariño, no Barco.
Ata alí desprazábanse membros do Grupo de Emerxencias Supramunicipal que procedía a despexar e sinalizar a vía que estivo pechada ao tráfico durante uns corenta minutos.
