En portada

Un dos piares económicos do medio rural

O gando vacún de carne é un dos motores dos pobos da montaña ourensá, sendo Viana do Bolo o concello con máis explotacións da provincia
Foto: Carlos G. Hervella
Foto: Carlos G. Hervella

Praderías e gando forman parte dende sempre da estampa dos concellos da montaña ourensá. Nas últimas décadas perdéronse moitas explotacións, pero tamén se reestruturou e profesionalizou o sector. Malia ás dificultades económicas actuais, coa suba de custes de produción e as desfeitas de xabaríns e lobos, a gandería segue constituíndo un motor económico no rural.

A ela estase a incorporar ademais xente nova que confía no seu potencial de futuro, o que redunda tamén na fixación de poboación nas aldeas. É ademais unha actividade respectuosa co medio ambiente e cun papel clave na recuperación e coidado dos montes da provincia, a meirande parte deles abandonados, e na posta en valor do territorio. Entre as principais ganderías ourensás está a de bovino, enfocado principalmente á produción de carne. Así do total de 25.425 vacas da provincia (datos do 2012 da Consellería do Medio Rural), 22.580 son de carne e concéntranse en boa medida na parte oriental da provincia.

Viana do Bolo é o concello ourensán con máis explotacións de vacún, un total de 140, mentres que Montederramo con 108 explotacións, suma a maior cabana bovina da provincia, con 2.722 cabezas.

Para coñecer de preto á realidade deste sector, dende estas páxinas propoñemos un percorrido por algunhas das súas explotacións. En todas coidan con mimo o gando e o seu traballo supón un freo ao abandono do rural. Detrás delas hai xente nova que aposta por producións de calidade e en extensivo. Son só sete exemplos, hai moitos máis.

Texto: Ángeles Rodríguez Foto: Carlos G. Hervella
(A reportaxe íntegra pode lerse na edición en papel do Periódico O Sil9.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close